17/04/2014 09:28:35

Shkelje e paprecedentë të drejtash

Në një raport të publikuar nga Këshilli i Europës thuhet se kontinenti po përfshihet nga një valë e paprecedentë e shkeljesh e të drejtave të njeriut

STRASBURG - Europa po përfshihet nga një valë e paprecedentë e shkeljesh së të drejtave të njeriut. Lajmi u dha dje nga sekretari i përgjithshëm i organizatës paneuropiane për mbrojtjen e të drejtave të njeriut, Thorbjorn Jagland. Ai paralajmeroi për një rritje të shkeljes së rëndë të së drejtave të njeriut (korrupsioni, imuniteti kundrejt ndjekjes penale, mosndëshkimi, trafikimi i qenieve njerëzore, racizmi, gjuha e urrejtjes dhe diskriminimi) në të gjithë kontinentin. "Të drejtat e qenies njerëzore tashmë kërcënohen nga ndikimet e krizës ekonomike dhe nga pabarazitë që sa vijnë e thellohen", shprehet Jagland. Ai u bën thirrje të 47 shteteve anëtare të Këshillit të Europës të veprojnë në mënyrë urgjente për të frenuar erozionin e të drejtave themelore. Jagland citoi situatën në Ukrainë ku mungesa e pushtetit gjyqësor të pavarur vitet e fundit ka krijuar një terren të favorshëm për rritjen e korrupsionit dhe abuzimeve me pushtetin, që së fundmi çoi në një revolucion.

HermesNews - ©2014

Dërgo me email | Stampo artikullin