16/04/2014 19:44:29

Rumani, ushtria vrau hebrenjtë

Është hera e parë, pas gjykimit të kriminelëve të luftës në fundin e viteve 1940, që drejtësia rumune bën sërish përgjegjës ushtarakë rumunë për masakrën ndaj civilëve hebrenj

BUKURESHT - Masakra ndaj 40 civilëve hebrenj në verilindje të Rumanisë në vitin 1941 u krye nga ushtria rumune, bëhet e ditur nga instituti ”Elie Wiesel” për studimin e Holokaustit duke cituar përfundimet e një hetimi të kryer nga Prokuria Ushtarake rumune. “Është hera e parë, pas gjykimit të kriminelëve të luftës në fundin e viteve 1940, që drejtësia rumune bën sërish përgjegjës ushtarakë rumunë për masakrën ndaj civilëve hebrenj”, deklaroi drejtori i Institutit, Alexandru Florian. “Ky është një mesazh i fortë që u drejtohet të gjithë atyre që mohojnë Holokaustin në territorin rumun”, shtoi ai. Sipas Florianit, Prokuroria Ushtarake e Jashit vendosi që masakra e Popricanit u krye nga një patrullë qitësish, e drejtuar nga gjenerali Gheorghe Stavrescu. Ekspertë të institutit me seli në Bukuresht dhe historiani Adrian Cioflanca kishin zbuluar në 2010 një varr masiv në pyllin e Popricanisit.

HermesNews - ©2014

Dërgo me email | Stampo artikullin