16/04/2014 17:56:06

SHIU ka raportuar Imamin për trafikun e drogës. ''Topi'' tek Imami

Do të ketë vërtet ndjekje penale për të zbuluar të vërtetën mbi ''trafikun e drogës'' apo socialistët do të vazhdojnë lojën e ''baltës''. Ku është Prokuroria ? Sa kohë kishte që Imami dinte për këto akuza dhe pse i hodhi tani ?

TIRANË - Imami si ish-ministër i Mbrojtjes është informuar nga SHIU për trafik droge që në vitin 2012. Në një raport të publikuar sot, ish ministri demokrat akuzohet për të njëjtën "histori" të rëndë që ai e përmendi para disa kohësh.

Reagimi i demokratit ka qenë i menjëhershëm. Në kohën e tij nuk kishte pasur asnjë informacion për përdorimin e infrastrukturës ushtarake në trafikun e drogës.

Kryeministri dhe ministrat e tij i fshihen pyetjes për përdorimin e forcave të armatosura në trafikun e drogës, reagon Imami.

"Cëshja ka të bëjë me administrimin dhe politikat, të cilat kanë qenë tërësisht tolerante ndaj narkotikëve në këto muaj të qeverisë socialiste", u shpreh Imami.

Në fund përsërit, "nuk kemi pasur asnjë të dhënë dhe asnjë informacion. Po bëhen përpjekje, sigurisht për të mos u përgjigjur, kjo është e qartë, pyetjeve të cilat i janë i janë shtruar qoftë Kryeministrit, qoftë Ministres së Mbrojtjes, qoftë Ministrit të Brendshëm, me qëllim për të humbur fokusin. Ne po i përgjigjemi drejtpërdrejt meqënëse na e kanë bërë pyetjen. Jo, nuk ka pasur informacion, nuk ka pasur të dhëna për përdorimin e infrastrukturës ushtarake nga trafikantët e drogës".

Kjo është hera e parë që ushtria shqiptare përfshihet në akuza për trafik droge gjatë qeverisjes së socialistëve që nga ana e tyre, kanë kërkuar hetimin e prokurorisë.

Demokratët po ndërrmarin një manovër për të mbuluar një hetim të paralajmëruar ? Eshtë me të vërtetë e përfshirë ushtaria shqiptare në trafikun e drogës ? A do të fillojë hetimin Prokuroria ? Mbi të gjitha, një hetim ndaj kujt ?

Doriana Metollari

Dërgo me email | Stampo artikullin