15/04/2014 18:16:19

Zonja nga kryeqyteti

Përurohet vëllimi me novela i Asllan Bishës

SHKODER - Në Ulqin, këto ditë, shoqata e shkrimtarëve të Art Club, organizoi paraqitjen e librit me novela "Zonja nga kryeqyteti" të shkrimtarit ulqinak, Asllan Bisha. Autori, i cili ka kryer për gjuhë dhe letërsi shqipe në Prishtinë, është autor i disa vëllimeve në prozën për fëmijë dhe të rritur, tregime, novela e romane. Diskutuan: Ali Salaj, kryetar i Art Club, publicist dhe shkrimtar, Ismet Kallaba, anëtar i kolegjumit të gazetës "Koha javore" në shqip që botohet në Podgoricë të Malit të Zi, por dhe pedagog në Universitetin "Luigj Gurakuqi" të Shkodrës, etj. Në këtë veprimtari qe i ftuar e foli edhe kryetari i Klubit të Shkrimtarëve të Shkodrës, Skender Temali, i cili njëkohësisht është edhe lektor i këtij vëllimi.Diskutantët, vunë në dukje vlerat artistike dhe jetësore të novelave. Në këtë takim u fol edhe për bashkëpunimin midis dy këtyre organizmave të shkrimtarëve shqiptarë, këndej dhe andej kufirit shtetëror. Për të pranishmit pat dhe interpretime muzikore e recitime nga krijimtaria e autorit Asllan Bisha, i cili falnderoi të pranishmit e foli dhe për projektet e tij të reja krijuese. Në fund u shtrua një koktejl.

HermesNews - ©2014

Dërgo me email | Stampo artikullin