15/04/2014 18:11:08

Filorusët mbajnë peng institucionet shtetërore

Medvedev jep alarmin, vendi është në prag të luftës civile

KIEV - Ka filluar sot në mëngjes operacioni anti terror në veri të rajonit Donetsk, (lindje të Ukrainës), ku filorusët kanë bllokuar disa ndërtesa publike në dhjetë qytete. Në Parlament, presidenti Oleksandr Turchynov tha se operacionet anti terrorr po zhvillohen në formë të ekuilibruar dhe të përgjegjshme.
Forcat ukrainase sot në mëngjes kanë ndërmarrë një operacion në aeroportin ushtarak të Ukrainës, Kramatorsk. Katër filorus u vranë dhe disa u plagosën.

Tensionet në vend janë shumë të larta. Kryeministri rus Dmitri Medvedev, lëshoi sot një alarm të ri duke thënë se Ukraine është në prag të luftës civile dhe kjo është vërtet e frikshme.

Rusia tha se e vetmja rrugë është dialogu me të gjitha rajonet e Ukrainës. Ai nënvizon faktin se problemet ekonomike të Ukrainës duhet të përballohen nga ndërkombëtarët, çfarë për Moskën në këtë moment do të thotë fatura gazi të pashlyera me një vlerë 2,2 miliardë dollarë.

HermesNews - ©2014

Dërgo me email | Stampo artikullin