15/04/2014 11:46:00

Tripoli, rrëmbehet ambasadori

Një burim i sigurisë libiane konfirmoi rrëmbimin duke shtuar se shoferi i amabasadorit ishte plagosur pas këtij sulmi

TRIPOLI - Ambasadori i Jordanisë në Libi, Fawaz Al-Itan u rrëmbye sot në mëngjes në Tripoli. Lajmi u dha nga një zëdhënës i Ministrisë libiane të punëve të jashtme. "Ambasadori jordanez u rrëmbye sot në mëngjes.Autokolona e tij u sulmua nga një grup personash të maskuar që qarkullonin në bordin e dy veturave", tha zëdhënësi i Ministrisë libiane të Punëve të Jashtme, Saïd Lassoued, i cili nuk dha më shumë detaje. Sipas Lassoued, qeveria libiane po bën përpjekje për të zbardhur rrethanat e rrëmbimit dhe fatin e ambasadorit.Që prej rrëzimit të regjimit të Muammar Kadafit në vitin 2011, përfaqësuesit diplomatikë në Libi kanë qenë shpesh shënjestra të sulmeve dhe rrëmbimeve.

HermesNews - ©2014

Dërgo me email | Stampo artikullin