11/04/2014 15:05:38

900 emigrantë shpëtohen nga rojet

Fregata Euro shpëtoi 336 emigrantë, që ndodheshin në bord të dy varkave

ROMË - Reth 900 emigrantë që vinin nga Afrika e Veriut u shpëtuan dje në mbrëmje nga disa anije të marinës italiane, në brigjet e Siçilisë. Ky shpëtim u realizua në bashkëpunim me rojen bregëdetare dhe patrullat e policisë financiare, në kuadrin e operacionit “Mare Nostrum”, që filloi në tetor pas dy tragjedish në det. Fregata “Euro” shpëtoi 336 emigrantë, që ndodheshin në bord të dy varkave që rrezikonin të mbyteshin për shkak të numrit të lart të personave, mes të cilëve 44 femra dhe 10 fëmijë. Ndërkohë, fregata ”Espero” shpëtoi 198 emigrantë, mes të cilëve 17 femra, ndërkohë që një anije tjetër ”Stromboli” shpëtoi 108 persona, mes të cilëve tre fëmijë. Së fundmi, dy patrulla të rojes bregdetare shpëtuan 254 refugjatë, mes të cilëve 53 femra dhe nëntë fëmijë.

HermesNews - ©2014

Dërgo me email | Stampo artikullin