11/04/2014 14:06:58

Hetim për akuzat e Imamit

Minitria e mbrojtjes i kërkon Prokurorit të Përgjithshëm nisjen e hetimeve për këto akuza të rënda në drejtin të Forcave të Armatosura

TIRANË - Ministria e Mbrojtjes njoftoi se ka dorëzuar sot në Prokurorinë e Përgjithshme një letër drejtuar kryeprokurorit Adriatik Llalla në të cilën kërkon: të nisë menjëherë hetimet mbi akuzat që deputeti i Partisë Demokratike, Arben Imami, ka bërë në seancën plenare të ditës së djeshme në Kuvendin e Shqipërisë.

"Në cilësinë e ministrit të Mbrojtjes, bazuar te Kushtetuta dhe ligjet e vendit, Mimi Kodheli i kërkon Prokurorit të Përgjithshëm nisjen e hetimeve për këto akuza të rënda në drejtin të Forcave të Armatosura", u shpreh zëdhënësja e kësaj ministrie, Edlira Prendi .

"Ministria e Mbrojtjes garanton se në çdo moment do të bashkëpunojë me organet e Prokurorisë për të vënë në dispozicion të saj të gjithë materialet e kërkuara dhe gjithë ndihmën e nevojshme që ky institucion do të kërkojë lidhur me zbardhjen e plotë të këtyre akuzave", u shpreh Prendi në deklaratën e saj.

HermesNews - ©2014

Dërgo me email | Stampo artikullin