10/04/2014 21:17:01

Terrorizmi; finalizohet operacioni

Tre arrestime u kryen në flagrancë për trafik dhe mbajtje të municioneve ushtarake

SHKODËR - Katër copë mina me telekomandë, 6 copë kapsolla elektrike, aksesorë ndihmës për vënien në funksionim të minave me telekomandë, 4 armë zjarri pistoletë dhe 30 fishekë pistoletë, 50 fishekë automatiku dhe një silenciator u sekuestruan nga policia e shkodrës në bashkëpunim me drejtorinë e përgjithshme. Lajmi konfirmohet nga zëdhënësi i policisë së shkodrës Bardhyl Saliu. Tre arrestime u kryen në flagrancë. Bëhet fjalë për Pjetër Babaj, 58 vjeç, banues në lagjen “Tre heronjtë” të qytetit të Shkodrës dhe Lulëzim Toska, 36 vjeç, banues në lagjen “29 nëntori”të qytetit të Shkodrës. Babaj u arrestua tek Ura e Bunes dhe nga forcat e rendit rrezulton të jetë person me precedentë penal për trafik armësh. Në makinën e tij policia gjeti dy mina me sahat. Policia kontrolloi banesën e shtetasit Lulzim Toska, i cili dyshohet si bashkëpunëtor i Babajt. Në këtë banesë u gjetën 4 armë zjarri pistoleta dhe 1 silenciator. Hetimet vazhdojnë.

HermesNews - ©2014

Dërgo me email | Stampo artikullin