09/04/2014 16:27:26

Italia nuk ia del me klandestinët

2,500 persona gjatë 48 orëve të fundit. Roma kërkon ndihme nga BE

ROME - Qeveria italiane i kërkoi sërish ndihmë Evropës, sot, pasi shpëtoi brenda 48 orëve një numër rekord prej 4 000 emigrantësh të hipur në varka shpëtimi. “Zbarkimet nuk po pushojnë dhe gjendja sa vjen e përkeqësohet, madje dy anije tregtare janë duke shpëtuar dy varka që kanë në bord 300 dhe 361 persona. Dyshohet se ka të paktën dy të vdekur”, deklaroi ministri i Punëve të Brendshme Angelino Alfano në radion publike ”Rai Uno”.
“Kemi shpëtuar 2 500 persona gjatë 48 orëve të fundit dhe ndërkohë janë duke u kryer opreacione të tjera shpëtimi nga anije tregtare, që bëjnë një total prej 4 000 personash të shpëtuar”, konfirmon një zëdhënës i marinës ushtarake. Bëhet fjalë për numrin më të lartë të personave të shpëtuar brenda një kohe kaq të shkurtër prej fillimit të operacioneve “Mare Nostrum”.
Ky operacion u krijua nga autoritetet italiane për të mënjanuar tragjedi të tjera, pas vdekjes së 400 personave që u mbytën në tetor në brigjet e ishullit të Lampeduzës dhe të Matës.

HermesNews - ©2014

Dërgo me email | Stampo artikullin