08/04/2014 18:50:45

Kontrolle nëpër kantierë

Inspektoriati Shtetëror i Punës, e shikon një domosdoshmëri nisjen e këtij aksioni, duke qënë se rastet e fundit të evidentuara të aksidenteve në punë i përkasin aktiviteteve të ndërtimit

TIRANË - Inspektorati Shtetëror i Punës, në përmbushje të misionit të tij për rritjen e standarteve të kushteve të punës, për t’i bërë vendet e punës më të sigurta dhe të shëndetshme dhe me synim minimizimin e aksidenteve, nis sot në të gjithë vendin paralelisht, një kontroll me tematikë në kantiere ndërtimi apo prodhim materiale ndërtimi, që ushtrojnë aktivitet në të gjithë territorin e Shqipërisë. Inspektoriati Shtetëror i Punës, e shikon një domosdoshmëri nisjen e këtij aksioni, duke qënë se rastet e fundit të evidentuara të aksidenteve në punë i përkasin aktiviteteve të ndërtimit, si dhe situatës së dukshme të punës pa masa mbrojtëse individuale (si kaskat, veshjet përkatëse të punës, rripin e sigurimit, etj), gjë që është bërë evidente edhe nga media investiguese. Ky kontroll synon kryesisht që përmes informimit, këshillimit, rekomandimeve dhe vërejtjeve të lëna nga inspektorët e punës në terren, të fillojë të kultivohet një kulturë ndërgjegjësimi për përdorimin nga punëmarrësit të pajisjeve mbrojtëse individuale, sipas specifikave të proçesit të punës që kryejnë.

HermesNews - ©2014

Dërgo me email | Stampo artikullin