07/04/2014 16:19:43

Kontrolli jo pa kontratë sigurimi

Udhëzimi i ri, makinat nuk mund të kalojnë kontroll pa patur kontratën e sigurimit

TIRANE - Pa kontratë sigurimi nuk ka kontroll teknik vjetor. Sipas Ministrisë së transportit, në udhëzimin e ri shkruhet se duhet një kontratë sigurimi të mjetit motorik përpara kontrollit teknik vjetor. Në nenin 1, pas pikës 5, shtohet pika 6 me këtë përmbajtje: drejtuesit e mjeteve rrugore duhet të dorëzojnë tek subjekti i liçensuar për kryerjen e shërbimit të kontrollit teknik vjetor KTV kontratën e sigurimit të mjetit. Në të kundërt ky shërbim nuk kryhet. Në nenin 5, në fund të pikës 4, shtohet një fjali me këtë përmbajtje: në çertifikatën e kontrollit teknik do të shënohet numri i serisë së kontratës së sigurimit të mjetit dhe emri i kompanisë që e ka lëshuar”. Ky udhëzim hyn në fuqi 15 ditë pas botimit në fletoren zyrtare.

HermesNews - ©2014

Dërgo me email | Stampo artikullin