07/04/2014 09:39:04

Të transferojmë teknologjitë në terren

Leskaj, NEXT është inovacion në vetvete, sepse është inekzistente në tregun shqiptar. Sfidë mbetet transferimi i teknologjive

HermesNews - Në një kohë kur të gjithë, marrim e japin online, puna dhe kërkimet sot janë të përqëndruara në botën virtuale. Ne kërkojmë të dimë përherë e më tepër për trendet e kohës, për të përsosur njohuritë që kemi në një fushë të caktuar, por sot përdorim gjithashtu dhe për shumë projekte që lidhen me të ardhmen e rajonit, në fushën e agrikulturës dhe shkencës.

Në ndihmë të kësaj dëshire vjen projekti NEXT. Në një intervistë të dhënë për Hermesnews, menaxherja tij Alketa Leskaj tha se kësaj here kemi arritur të vëmë përballë, terrenin dhe teoritë shkencore, me të vetmin qëllim për të rritur mirëqënien tonë.

Dhe nuk ka asnjë dyshim se rrezultati do të jetë më sinjifikativ.

"NEXT rrjedh nga konsideratat mbi rolin e inovacionit, rrjeteve transnacionale dhe bashkëpunimit si levat e zhvillimit ekonomik kombëtar dhe, më në përgjithësi, të rritjes së kapacitetit konkurrues të sipërmarrjeve përmes lidhjeve më të mira me rrethet e inovacionit.

Qëllimi është të promovojë, zgjerojë dhe konsolidojë, në terma sasiorë dhe cilësorë, bashkëpunimin midis institutive kërkimore, sipërmarrjeve dhe kërkuesve/hulumtuesve.

"Tjetër objetiv është të testojë mekanizmat në mbështetje të kërkimit dhe sistemit të transferimit të teknologjisë në territor. Të përfaqësojë një bashkëbisedues të kualifikuar me aktorët institucionalë në funksion të një qeverisjeje të zgjeruar K & I. Të mishërojë një partner konkurues në kërkim dhe transferim të teknologjisë si në nivel territori ashtu dhe ndërkombëtarisht", thotë Leskaj për HermesNews.

Në fakt platforma online (http://www.project-next.eu/en/) është një inovacion në vetvete, sepse është inekzistente në tregun shqiptar. Ajo lidh veriun e shqiperise me vendet e rajonit dhe europën si italine psh, e cila udheheq këtë projekt si i vetmi vend i Bashkimit Europian.

Në këtë platformë online, bashkohen njëmbëdhjetë partnerë të ndryshëm nga gjashtë vënde të rajonit dhe Europës. Duke patur pak mundësi të takohen në terren, partnerët takohen online në formë virtuale. "Flasim për një platformë ku te tjeret shkëmbejnë informacion dhe eksperienca", thote Leskaj.

Transferimi i teknologjisë në terren ka qenë përherë një synim i këtij projekti. Më tej në platformën online paraqiten të gjitha projektet dhe puna që po bëjnë partnerët tanë. Transparencë, një tjetër fjalë dite. "Detyrat për arritjen deri tek platforma janë të ndara", thotë Leskaj.

Fillimisht është punuar për ngritjen e dukoumentave strategjikë, si plani i komunikimit, plani i cilësisë, marëveshja mes partnerëve. Kjo do të shërbejë për dokumentet strategjikë.

Detyrat po ashtu janë të ndara. Partneret kane per detyre te bashkepunojne dhe paraqesin ide. Partneret shqiptare organizuan një konferencë ndërkombëtare që u zhvillua në Tetor, çfarë pati dhe shumë sukses. Pati një pjesmarrje të madhe.

Me tej do të vijojë puna për mbledhjen e informacionit dhe bashkëpunimi me palën shiqptare si drejtoria rajonale e bujqësisë, autoriteti i kontrollit të ushqimit dhe instituti i tranferimit të teknologjive (ish instituti i misrit) plus dhe Universiteti i Shkodrës (biokimia, turizmi, dhe ekonomia).

"Deri tani janë bërë dy workshop-e, (Dhoma e Tregtisë është një ndër stakeholder-at). Janë thirrur të gjithë përfituesit. Kemi bashkëpunime të mira me ekspertë të informatikës dhe komunikimit si Gjon Nika dhe Gjergj Sheldia. Në workshopin e dytë dolën në pah pritshmëritë nga platforma online. Prioritet është bujqësia dhe turizmi. Në këtë platformë gjen përgjigje si fermeri dhe deri tek institucioni, pasi është gjithëpërfshirëse", thote menaxherja e projektit.

publiredaksional

Dërgo me email | Stampo artikullin