07/04/2014 09:10:03

Sekuestrohet droga për në Itali

1.6 ton drogë u bllokua në Hidrovorin e Akërnisë

KANO - Një maksi sekuestrim i drogës ndodhi pas një operacioni të suksesshëm dje, 15 km në veriperëndim të Vlorës (Hidrovori i Akërnisë). Gjatë operacionit të koduar me Eklips 2014, u sekuestruan 1.6 ton droge. Droga fshihej brenda nje furgoni (AA 507 BU) të vjedhur në Gjirokastër. Një traktor që shërbente për të nxjerrë mjetet lundruese nga toka në det, një automjet tip fuoristradë Nissan Patrol dhe 15 bidona me lëndë djegëse benzinë, u sekuestruan. Thanas Golemi, 50, u arrestua gjatë këtij operacioni. Droga do të imbarkohej në një mjet lundrues dhe do të trafikohej drejt Italisë. Kjo është sasia më e madhe e lëndës narkotike që është kapur gjatë këtij viti nga policia e Vlorës.

HermesNews - ©2014

Dërgo me email | Stampo artikullin