04/04/2014 20:51:45

Sinjale për një profil të vjedhur

nga Doriana Metollari

HermesNews - Nisemi nga një pyetje e thjeshtë. Cfarë do të bënit nëse shoku juaj i bankës, do t'ju dërgonte një mesazh në Facebook dhe do t'ju kërkonte të bënit seks ?

So të irritoheshit ? Do të qeshnit me të madhe dhe do ta hiqnit nga lista ? Do ta merrnit në telefon ?

Rregulli numër një. Asnjëherë nuk shkëputen marëdhëniet me një shok/shoqe nëpërmjet facebook.ut, apo me një sms, apo me një email. Por për këtë do të flasim një herë tjetër.

Sinjali i parë i një profili të vjedhur janë gjithmonë mesazhe të çuditshme. Ato që miku juaj nuk do t'a bënte apo shkruante kurrë. Kur kjo ndodh keni dy rrugë; e para është të sinjalizoni, e dyta të vazhdoni lojën për të kuptuar se deri ku dhe çfarë fshihet pas.

Në rastet më mediokre, dmth ato që vazhdojnë më "unë ngacoj se dua të kaloj kohën", nuk ka fare rëndësi, por ka prej atyre rasteve, kur profilet, dmth akseset vidhen për një arsye të vetme; aktivitet kriminal.

Si ?

Psh për të vjedhur të dhënat tuaja, ose për t'ju kërcënuar më pas me publikime të bisedave që mund të keni brenda mesazheve tuaja private. Ato që mund të kompromentojnë jetën tuaj private dhe atë të miqve.

Per shkak të kërcënimeve, njerëzit janë në gjëndje të paguajnë për t'ua mbyllur gojën "thashethemaxhinjve", sidomos VIPA-t. Por në rastet kur kemi të bëjmë me kriminelë, nëpërmjet këtyre profileve të njohura, mund të kontaktojnë të afërm, apo miq të personit që ka patur profilin deri atëherë qoftë dhe për t'i kërkuar takime dhe pastaj për të abuzuar me afrimitetin e tyre.

Tani loja fillon e bëhet e rrezikshme. Por në të gjitha rastet është më mirë të parandalosh se të kurosh.


E para, nëpër profilet private nuk vihet si pasword, asnjëherë mbiemri, emri, muaji i lindjes, data e lindjes; është rruga më e shkurtër dhe e lehtë për të gjetur paswordin nëpërmjet programeve që janë krijuar për këtë qëllim. Paswordi gjithmonë duhet të jetë i vështirë dhe i mbushur me germa, dhe numra, që nuk kanë lidhje me njëra-tjetrën.

J9k8oPP4, është një pasword i vështirë.

Kujdes me ambjentet publike kur përdorni akses interneti. Shpesh herë linjat janë të pambrojtura. Kujdes të mos keni shtypur asnjë buton i cili bën që ju të mos keni më nevojë të vini paswordin kur të futeni online, sepse dikush tjetër mund të futet online nga kompjuteri juaj.

Por në fund të fundit, nuk jeni të zbuluar kurrë terësisht. Secili person është i identifikueshëm kur përdor një profil të huaj dhe ekspertët apo policia arrin ta identifikoje nga IP e kompjuterit të personit që ka hyrë në profil të huaj.

Kjo nëse ndërrmerrni rrugët ligjore. Për të gjitha herët e tjera, mjafton të jeni pak të vëmendshëm.

HermesNews - ©2014

Dërgo me email | Stampo artikullin