03/04/2014 15:49:01

Përgënjështrohen vrasjet në Kiev

Shërbimet sekrete ruse përgjigjen për vrasjet në Kiev. Nuk kanë patur të bëjnë me to

MOSKË - Shërbimet e sigurisë ruse (FSB) kanë përgënjeshtruar haptas sot faktin se kanë qenë të përfshira në vrasjet e muajit shkurt në sheshin “Pavarësia” në Kiev, ku u vranë 90 persona dhe sollën rënien e regjimit prorus, sipas agjencisë publike “Ria Novosti”. “Që këto deklarata të mbeten në ndërgjegjen e shërbimeve të sigurisë ukrainase”, deklaroi shërbimi për shtyp i FSB-së, i intervistuar nga “Ria Novosti” për deklaratat e kryera nga Valentin Nalivaiçenko, shefi i shërbimeve të sigurisë ukrainase, siëas të cilit agjentët e FSB-së kanë marrë pjesë dhe kanë planifikuar shtypjen e dhunshme të kontestimit në Kiev. ”Agjentët e FSB-së, shërbimet e sigurisë ruse, janë të implikuar në vrasjet e muajit shkurt në sheshin “Pavarësia” në Kiev, ku u vranë 90 persona”, konfirmoi sot kreu i shërbimeve të sigurisë ukrainase. ”Agjentët e FSB-së kanë marrë pjesë në planifikimin dhe në kryerjen e të ashtuquajturit operacion antiterrorist”, deklaroi sot Valentin Nalivaiçenko, kreu i shërbimeve të sigurisë ukrainase gjatë një konference për shtyp për rezultatet paraprake mbi hetimet për të vrarët në sheshin “Pavarësia” në Keiv.

HermesNews - ©2014

Dërgo me email | Stampo artikullin