02/04/2014 21:17:52

Fyle takon Edi Ramen

Fyle ka mirëpritur qëndrimin e qeverisë për një trajtim gjithëpërfshirës të reformave, bazuar në një dialog konstruktiv dhe një përfshirje të opozitës

BRUKSEL - Kryeministri shqiptar, Edi Rama, është takuar sot në Bruksel me Komisionerin e BE-së për Zgjerimin, Stefan Fyle.Siç bën të ditur në një njoftim, zyra për shtyp e Komisionerit të Zgjerimit, “Komisioneri Fyle mirëpriti angazhimiin e vazhdueshëm nga ana e Shqipërisë në lidhje me reformat e kërkuara nga BE, si dhe vlerësoi hapat e marra nga qeveria në luftën ndaj krimit të organizuar dhe korrupsionit.

Komisioneri gjithashtu inkurajoi Shqipërinë që të konsolidojë dhe intensifikojë procesin e reformave, në veçanti ato që i përkasin shtetit ligjor dhe bëri thirrje për rezultate solide dhe të bindshme për ta informuar këshillin(e Bashkimit Europian) përpara se të merret vendimi për të dhënë statusin kandidat. ‘Jam i bindur që vendi ka kapacitetin për të përballuar me vendosmëri sfidat e integrimit europian ’, theksoi Komisioneri, Stefan Fyle.

Ndërkaq, zoti Fyle ka mirëpritur qëndrimin e qeverisë për një trajtim gjithëpërfshirës të reformave, bazuar në një dialog konstruktiv dhe një përfshirje të opozitës për një qëndrueshmëri dhe sukses të reformave. Statusi kandidat, kur të jepet, do të njihet nga puna e të gjithë institucioneve dhe personave të përfshirë në proces.

Kryeministri Edi Rama takohet me Komisionerin për Zgjerimin në Komisionin Evropian Štefan Füle ..

Komisioneri gjithashtu nënvizoi atë që energjitë vitale të vendit, duke përfshirë edhe shoqërinë civile, duhet të përdoren për të çuar përpara axhendën europiane. Në këtë këtë kontekst ai theksoi rëndësinë e dialogut të nivelit të lartë si një prioritet kyç. Zoty Fyle ra dakord me Kryeministrin, Edi Rama, për të mbajtur takimin e radhës në fillim të muajit qershor.

HermesNews - ©2014

Dërgo me email | Stampo artikullin