02/04/2014 09:23:45

Siçili, zbulohet rrjeti i drogës

Shqiptarët kishin krijuar lidhje me grupin mafioz Dominante-Carbonaro në Sicili

SICILI - 22 persona kanë rënë në pranga pas zbulimit të një rrjet droge, që transportohej nga Shqipëria drejt Sicilisë. Sipas mediave italiane operacioni antidrogë është zhvilluar nga policia e rajonit të Ragusës. Gjatë operacionit të koduar “Unaza” (Agnellino) kanë marrë pjesë më shumë se 160 efektivë.Operacioni ka marrë emrin “Unaza”, pasi gjatë komunikimeve të tyre, trafikantët e emërtonin lëndën narkotike me këtë emër. Shqiptarët kishin krijuar lidhje me grupin mafioz Dominante-Carbonaro në Sicili. Sipas hetuesve, nga shitja e drogës janë përfituar qindra mijëra euro në muaj. Hetimet kishin nisur që në vitin 2011, kur gjatë një aksioni ishte kapur një sasi prej 130 kilogramësh kanabis sativa.

HermesNews - ©2014

Dërgo me email | Stampo artikullin