02/04/2014 04:56:29

Shtyhet seanca ndaj Darko Shariç

Sinisha Petroviç, kryetari i gjykatës theksoi se aktualisht ajo çka ishte më e nevojshme dhe e duhur ishte ndërprerja e procedimit dhe shtyrja e seancave kryesore të parashtrimit të çështjes nga prokuroria

BEOGRAD - Proçesi gjyqësor kundër Darko Shariçit dhe 17 të dyshuarve të tjerë për pastrim të 22 milionë eurove në Serbi u shty për në mesin e muajit maj. Sinisha Petroviç, kryetari i gjykatës theksoi se aktualisht ajo çka ishte më e nevojshme dhe e duhur ishte ndërprerja e procedimit dhe shtyrja e seancave kryesore të parashtrimit të çështjes nga prokuroria. Procesi do të vazhdojë në datat 14, 15 dhe 16 maj. ”Seancat dëgjimore dhe procedimet penale kundër Shariçit, në çështjen ku ai akuzohet për pastrim parash, janë shtyrë duke qenë se procesi gjyqësor është më i ndërlikuar se ai ku i pandehuri përballej me akuza për trafik lëndësh narkotike meqenëse nevojitet një gamë më e gjerë dokumentacioni”, theksoi Petroviç. Shariç kërkoi pafajësi për të gjitha akuzat e ngritura ndaj tij, në të dyja proceset gjyqësore. Në daljen e parë para trupit gjykues, Shariç u shpreh se sot do të paraqiste të dhëna për bashkëpunëtorët e tij dhe, sipas pretendimeve të bëra nga vetë ai, do të shfaqte qartë edhe mënyrat përmes të cilave trafiku i kokainës dhe pastrimi i parave ishin të sajuara.

HermesNews - ©2014

Dërgo me email | Stampo artikullin