01/04/2014 16:23:18

Mussolini s'është më nder i torinos

Këshilli i bashkisë së qytetit i heq titullin ''Qytetar Nderi'' ish-diktatorit fashist Benito Mussolini

TORINO - Këshilli i Bashkisë i qytetit të Torinos votoi heqjen e titullit ”Qytetat Nderi” për ish-diktatorin fashist Benito Mussolini, të cilit i ishte akorduar përmes një dekreti mbretëror në vitin 1924. “Kjo ishte një detyrë për t’u përmbushur dhe konfirmon identitetin antifashist të qytetit”, deklaroi këshilltari i qendrës së majtë Michele Paolino.

Ky mocion u miratua me 29 vota pro dhe tre kundër, ndërsa anëtarët e Ligës së Veriut abstenuan, por kërkuan ndërrimin e emrit të bulevardit ”Bashkimi Sovjetik”, një prej arterieve rrugore kryesore të qytetit. “Mussolini e shndërroi Italinë në protagoniste të Luftës II Botërore përkrah nazistëve gjermanë”, shtoi më tej zyrtari torinez. Ky hap ndërmerret disa javë para Ditës së Çlirimit për Italinë, më 25 prill, ditë në të cilët vendasit kremtojnë fundin e Luftës Botërore II dhe okupimit nazist të vendit, po ashtu në po këtë ditë Milano dhe Torino ishin dy qytetet e para që u çliruan në vitin 1945, ndërsa tre ditë më pas Mussolini u ekzekutua.

HermesNews - ©2014

Dërgo me email | Stampo artikullin