31/03/2014 19:50:30

Paris: skandali i ministres. Nuk deklararoi pasurinë e saj

Yamina Benguigui dyshohet për deklarim fals në lidhje me pasurinë

PARIS - Ministrja franceze e Frankofonisë, Yamina Benguigui, dyshohet për deklarim fals në lidhje me pasurinë e saj, njoftoi sot një organ i pavarur administrativ i cili e paraqiti rastin e saj para organeve të drejtësisë. Autoriteti i Lartë për transparencën e jetës publike ka ngritur dyshime serioze në lidhje me tërësinë, saktësinë dhe vërtetësinë e deklaratave të ministres, e cila u rizgjodh dje këshilltare e bashkisë së Parisit. Periudha e sipërpërmendur fillon nga viti 2012, 2013 deri në 2014-n. Nëse konfirmohen, shkeljet ligjore të ministres mund t’i kushtojnë asaj deri në tre vjet burg, 45 mijë euro gjobë dhe dhjetë vjet pazgjedhshmëri. Kjo çështje ndodh ndërsa qarkullojnë zëra për një ristrukturim të mundshëm qeveritar pas dështimit të së majtës në zgjedhet lokale në Francë.

HermesNews - ©2014

Dërgo me email | Stampo artikullin