31/03/2014 12:05:30

Kate Middleton shembull për mamatë e reja

Kate Middleton jep disa keshilla per nenat e reja qe te duken ne forme pertej lodhjes

HermesNews- Dukesha e Cambridge si gjithmonë kthehet në shembull për stilin e saj. Ajo është bërë nënë prej pothuajse 8 muajsh dhe duket në formë perfekte. Ja disa këshilla për nënant e reja të cilave u duhet të kujdesen më tepër për fëmijën e vockël sesa për vetveten. Si rrjedhim ndihen gjithmonë të lodhura nga orët e shkurtra të gjumit dhe gjithmonë tepër të zëna për t’u kujdesur për look-un. Ja disa këshilla që vijnë nga Kate Middleton. Edhe pse mund të themi se Kate nuk ka aspak problemet e nënave të zakonshme.

1- Mos harroni rutinën
Kate duket sikur ka një lëkurë perfekte. Lodhja natyrisht duket, por lëkura është e shëndetshme dhe e ndritshme. Ndaj mos harroni të kryeni përkujdesjet e përditshme për lëkurën tuaj: lajeni mirë fytyrën në mëngjes dhe vendosni produkte hidratuese për lëkurën.

2-Ndriçoni dhe ngjyrosni
Ashtu si Kate, mos e lini kurrë pa vënë blush-in rozë, sepse jep menjëherë efektin e një lëkurë të shëndetshme dhe natyrale. Nëse doni të keni një fytyrë ende më të shëndritshme vendosni edhe pak ndriçues në stick poshtë syve.

3-Mos ekzagjeroni me kremin
Mos bëni gabimin të përdorni krem apo korrektor të rëndë në fytyrë. Efekti nuk do të jetë aspak natyral dhe do të dukeni akoma më të lodhura. Vendosni krem të lehtë i cili do ju bëjë të ndiheni edhe më të reja.
Ndërsa për sytë, shmangni përdorimin e make up-it të fortë, do mjaftonte për një efekt natyral lapsi i zi dhe pak rimel për qerpikët.
Buzët gjithashtu mbajini në ngjyrën e tyre natyrale duke u dhënë pak dritë me lipstick trasparent.

Dërgo me email | Stampo artikullin