29/03/2014 11:11:21

Zonat e dëborës në Shqipëri

Krahas problemeve të shfaqura në Qafë Thore, shqetësime janë shfaqur edhe në zonat e thella malore të rrethit Pukë

SHKODËR - Edhe eshte fundi i muajit mars, në disa prej zonave të thella malore të qarkut të Shkodrës ka dëborë, madje në një prej tyre, atë të Qafë Thores, trashësia e dëborës shkon nga 1.5 deri në 2 metra dhe ne disa segmente është tërësisht e bllokuar rruga e Thethit.

Sipas burimeve nga Prefektura, mësohet se krahas problemeve të shfaqura në Qafë Thore, shqetësime janë shfaqur edhe në zonat e thella malore të rrethit te Pukës, ku më problematike është situata ne komunën Iballë.

Gjatë një prononcimi, drejtori rajonal i rrugëve rurale, Dedë Tonaj, bëri të ditur se nisur nga përvoja e viteve të mëparshme, segmenti Qafë Thore-Theth, ku dëbora aktualisht është në lartësi të konsiderueshme, qarkullimi normal i automjeteve pritet të behet deri nga fundi i prillit.

Ai i beri apel komunitetit, i cili duhet të jetë shumë i kujdesshëm gjatë lëvizjeve në këtë zonë, pasi orteqet karakteristike që janë të pranishme shumë, mund të dëmtojnë jeten e banorëve.Dëborë, zonat malore, Shkoder Foto Gasper Marku "Kontributi i komunitetit për të zhbllokuar këtë aks rrugor duhet vlerësuar dhe ne apelojme që të bashkëpunojnë sa më shumë me ne", theksoi ai.

HermesNews - ©2014

Dërgo me email | Stampo artikullin