28/03/2014 16:33:16

Demokratët, në krye të zyrës një ish i dënuar për fallsifikim

Laura Vorpsi: ''Drejtori i Zyrës së punës në Korcë, Florenc Tabaku...është dënuar me 6 muaj burg, dhe me 250 mijë lekë gjobë nga gjykata e Korçës në vitin 2004, për falsifikim dokumentesh''

KORCE - Kreu i zyrës së punës në Korçë, është denoncimi i radhës nga selia blu. Zëdhënësja e Partisë Demokratike, Laura Vorpsi, denoncoi emërimin e Florenc Tabakut në krye të zyrës së punës në Korçë. "Drejtori i Zyrës së punës në Korcë, Florenc Tabaku...është dënuar me 6 muaj burg, dhe me 250 mijë lekë gjobë nga gjykata e Korçës në vitin 2004, për falsifikim dokumentesh", tha sot zëdhënësja e Partisë Demokratike Laura Vorpsi. Rasti që po denoncojmë sot, dhe rastet e tjera që kemi denoncuar, dëshmojnë se si funksionon në të vërtetë meritokracia e Edi Ramës, dhe tregojnë për një mekanizëm të dyshimtë, gati kriminal të kapjes së administratës nga persona me precedentë penalë, të dënuar nga drejtësia për vepra të rënda.

HermesNews - ©2014

Dërgo me email | Stampo artikullin