27/03/2014 11:58:26

Protesta e të larguarve

Nertila Qafëzezi, drejtuese e shoqatës së të shkarkuarve nga puna, ka përsëritur faktin se do të vazhdojmë të protestojmë para Parlamentit

TIRANË - Seancës parlamentare i paraprinë sot protestat e të pushuarve nga puna, të cilët mbanin në duar parulla “Më kthe në punë” dhe “Ndal masakrën mbi administratën”, që kërkonin nga qeveria që të rikthehen në punë mijëra të pushuar nga administrata, si dhe i kërkojnë parlamentit që të dëgjojë zërin e tyre.

Nertila Qafëzezi, drejtuese e shoqatës së të shkarkuarve nga puna, ka përsëritur faktin se do të vazhdojmë të protestojmë para Parlamentit, derisa të kemi një përgjigje nga qeveria për kthimin në punë të 6000 punonjësve të administratës të shkarkuar në mënyrë antiligjore nga puna.

Gjithashtu, Qafzezi tha: “Kemi ardhur t’u bëjmë të qartë zotërinjve deputetë, të cilët ta konsiderojnë çështjen tonë si një nga çështjet më të rëndëishme, pasi të larguarit nga puna nuk kanë marrë akoma një përgjigjenjë nga kjo qeveri, apo nga ky parlament”.

HermesNews - ©2014

Dërgo me email | Stampo artikullin