26/03/2014 15:37:57

Çfarë duhet të dinë 30 vjeçarët ?

Ata që janë në moshën e pensionit nuk duhet të shqetësohen: skema e re prek vetëm ata që sot janë 20 apo 30 vjeç

TIRANE - "Nuk do të ketë rritje të moshës së pensionit për ata që janë në prag të daljes në pension", deklaroi sot Ministri i Mirëqënies Sociale dhe Rinisë, Erion Veliaj.

Gjatë analizës vjetore të Institutit të Sigurimeve Shoqërore dhe prezantimit të Arkivit Qendror të këtij institucioni, Veliaj theksoi se “ne nuk kemi një vendimmarrje për rritjen e moshës. Edhe nëse do të rritet mosha, është për projeksione që shkon deri në 2018-ën. Askush që është në moshën e pensionit nuk duhet të shqetësohet, prek vetëm ata që sot janë 20 apo 30 vjeç, dhe nuk do të prekë ata që sot nuk e mendojnë akoma ditëlindjen tyre të 70-të”.

Lidhur me reformën për këtë çështje, Ministri Veliaj tha se “reforma e re do të varet nga mënyra sesi do deklarohen realisht kontributet, dhe në qoftë se në instuticionet ku ju punoni, nuk deklarojnë pagesa reale, vetë punëmarrësit duhet të jenë të interesuar që kjo të korrigjohet sepse do të reflektohet në pensionet e tyre të ardhshme”.

“Reforma e re do të penalizojë ato kompani që nuk deklarojnë pagesat reale”, tha Veliaj. Në marrëdhënie me shtetet e tjera për njohje të kontributeve, Ministri Veliaj është shprehur se “dua të përgëzoj stafin negocator të Ministrisë së Mirëqenies Sociale dhe Rinisë dhë nëndrejtorin që ka hyrë në detaje në negocime për punën e shkëlyqer në kohë rekord për marrëveshjen me Belgjikën, ndërsa jemi gati për nënshkrimin e marrëveshjes bilaterale me Rumaninë, Maqedoninë, Hungarinë, Cekinë dhe Luksenburgun”.

Gjatë 2013-ës është arritur të zbulohet dhe paketa e dubluar e njërëzve që përfitonin pa të drejtë me një shumë prej 30 milion lekësh, të cilat janë dërguar për hetim organit të Prokurorisë. V

Reforma e re, sipas Ministrit Veliaj, do të sjellë një sistem të sigurimeve shoqërore, ku sistemi i pensioneve te jetë i konsoliduar, bashkëkohor, i drejtë dhe i ndershëm për ata që realisht kontribuojnë duke iu ofruar atyre mbrojtje sociale në vazhdim.

Ndërkohë Drejtoresha e Përgjithshme e Institutit të Sigurimeve Shoqërore Vjollca Braho ka theksuar se janë zbuluar 1100 raste me falsifikim të moshës. Ajo u shpreh se arkiva e ISSH tashmë ka infrastrukturë moderne dhe janë hedhur në arkiv regjistrat e kooperativave bujqësore.

HermesNews - ©2014

Dërgo me email | Stampo artikullin