26/03/2014 13:20:44

Çfarë do t'i thoshte sot babait ?

nga Roland Qafoku

HermesNews - Ajnisha Vlora ishte vetëm 11 muajsh kur i ati u largua nga Shqipëria dhe për tërë jetën e mbetur ai nuk mundi të kthehej në atdhe. Një nga personalitetet më të rëndësishme të kulturës shqiptare, tre herë ministër, ambasador ministër në Athinë dhe në Londër, ai vdiq në Vjenë më 30 mars të vitit 1964 duke lënë në Shqipëri gruan Hadie dhe dy vajzat Lejlja dhe Ajnisha Vlora me të cilat nuk u takua kurrë.

Sot në orën 08.15, në Aeroportin Nënë Tereza në Rinas, pas 50 vjetësh eshtrat e tij u kthyen në atdhe ndërkohë që e bija Ajnisha që nuk e kishte njohur në mënyrë koshiente të atin me dorën e saj që dridhej me me sytë në lotë preku arkivolin dhe e puthi atë në një emocion që vetëm ajo mund ta shpreh.

Ishin vetëm një grusht njerëz nga familja që e pritën arkivolin me eshtrat e Eqrem beut, ndërkohë i vetmi zyrtar present në Rinas ishte zëvendësministri i Kulturës. Edhe këtë herë rastësia për Eqrem bej Vlorën bëri të shprehet me shumica habia.

Ai studio në një kolegj në Vjenë dhe më pas u diplomua në Stamboll dhe më pas jetoi në Shqipëri. Rastësisht apo jo, avioni me eshtrat e tij u nis nga Vjena, qëndroi për 11 orë në Stamboll dhe sot në orën 08.15 mbërriti në Shqipëri. Ndërkohë të dielën më 30 mars pritet që eshtrat të rivarrosen në Kaninë të Vlorës ndërkohë që mësohet se protokolli i shtetit do ta ketë ceremoni zyrtare.

HermesNews - ©2014

Dërgo me email | Stampo artikullin