25/03/2014 19:46:16

Dënimet kapitale nuk justifikohen

Ashton thotë se Bashkimi Europian kundërshton me forcë dënimet me vdekje që dha gjykata në Egjipt ndaj përkrahësve të Morsit

BRUKSEL - Kryediplomatja evropiane, Catherine Ashton ka shprehur ”shqetësim të thellë” lidhur me vendimet e dënimit me vdekje të shpallura dje për 529 mbështetës të Vëllazërisë Myslimane, nga një gjykatë në qytetin Minya, Egjipt. “Pa dashur të minimizoj natyrën e rëndë të krimeve për të cilat ata u dënuan, dua të bëj të qartë se dënimi kapital nuk është i justifikueshëm në asnjë rast”, theksoi Ashton, e cila shtoi se BE-ja e kundërshton dënimit kapital “në çfarë do lloj rrethane”. “Dënimi me vdekje është mizor dhe çnjerëzor, përfaqëson një mohim të papranueshëm të dinjitetit dhe integritetit njerëzor”, u shpreh kryediplomatja europiane.

HermesNews - ©2014

Dërgo me email | Stampo artikullin