24/03/2014 09:57:28

Konsensusi, peng i Bashkisë

Letra e Bashës. Demokratët kërkojnë votimin me konsensus në Parlament. ''Konsensusi në komision është i pamjaftueshëm''

TIRANE - Opozita kthen faqe dhe vendos të pranojë dialogun për reformën territoriale. Basha fton kryeministrin Rama për konsensus, demokratët thonë se "në vizionin tonë si opozitë, reforma administrative-territoriale para se të jetë një rivizatim i kufijve të bashkive dhe rajoneve, ka qenë dhe është mbi të gjitha reformë e fuqizimit të demokracisë e qeverisjes vendore dhe përafrimit të pushtetit vendor në Shqipëri me standardet më të përparuara europiane. Është e trishtueshme që sjellja në rendin e ditës e kësaj reforme përkon me bllokimin e shumëfishtë dhe të përsëritur të pushtetit vendor nga qeveria juaj. Dhunimi dhe kthimi prapa i autonomisë vendore në Shqipërinë e sotme i komprometon rëndë dhe e vë në dyshim tundimin dhe qëllimet e shumicës suaj për të miratuar në mënyrë të njëanshme këtë reformë", shkruan Basha në letër.

HermesNews - ©2014

Dërgo me email | Stampo artikullin