23/03/2014 18:14:56

Angelina Jolie dhe Stella McCartney lançojnë koleksionin e veshjeve

Koleksion veshjesh nga Angelina Jolie dhe Stella McCatrney frymezuar nga filmi Maleficent

HermesNews- Angelina Jolie dhe Stella McCartney lançojnë së bashku një koleksion veshjesh frymëzuar nga filmi Disney “Maleficent” ku është protagoniste aktorja.
Koleksioni quhet “Maleficent by Stella McCartney Kids” dhe është i përbërë nga 8 modele të frymëzuara nga filmi.
Lajmi i bashkëpunimit u bë publik nga stilistja angleze gjatë një interviste ku ajo shprehu pasionin e saj për filmat Disney.
Gjatë xhirimeve të filmit Angelina e ftoi Stella-n të ndiqte pjesë nga xhirimet dhe aty lindi idea e bashkëpunimit për këtë koleksion i cili do të dalë në treg duke nisur nga muaji prill. Të ardhurat nga shitja e koleksionit të veshjeve, të paktën pjesa që i përket aktores, do të dhurohen në shenjë bamirësie për shoqatën SOS Children’s Village e cila mbron të drejtat e fëmijëve.

Daniela Vathi

Dërgo me email | Stampo artikullin