23/03/2014 13:05:19

Mbledh për herë të parë ministrat në Skoci

Këshilli i ministrave do të mblidhet, për herë të parë që prej vitit 2009, në verilindje të Skocisë

LONDËR - Kryeministri britanik, David Cameron, do të mbajë neser, për herë të parë gjatë gjithë mandatit të tij, këshillin e ministrave në Skoci dhe synon që të tregojë rëndësinë që ka për industrinë e naftës qëndrimi i Skocisë nën Britaninë e Madhe, ky vendim vjen vetëm shtatë muaj largë referendumit të vetë-vendosjes.

“Do të lëviz këshillin e ministrave në Skoci ku do të tregojmë mënyrën se si qeveria britanike mund të maksimizojë, për dhjetëvjeçarët që do të vijnë, përfitimet për ekonominë britanike të naftës dhe të gazit të Detit të Veriut”, deklaroi sot kryeministri në një komunikim për shtyp.

Këshilli i ministrave do të mblidhet, për herë të parë që prej vitit 2009, në verilindje të Skocisë, në Aberden ku ndodhet pjesa më e rëndësishme e industrisë së naftës.

Ky vendim simbolik vjen pas deklaratës, në fillim të shkurtit, të Bob Dudley, shefi i gjigantit BP, që kishte theksuar pasiguritë e mëdha dhe kostot që do të sillte për grupin pavarësia e Skocisë.

HermesNews - ©2014

Dërgo me email | Stampo artikullin