21/03/2014 15:13:33

Arrestohen shqiptarët në Siri: me ta dhe një kosovar

Ngjarja ndodhi pas sulmit ku humbën jetën tre pjesëtarë të forcave turke të sigurisë

ANKARA - Dy shqiptarë dhe një kosovarë u arrestuan sot pas sulmit ku humbën jetën tre pjesëtarë të forcave turke të sigurisë në jug të vendit, në kufi me Sirinë, njoftoi sot ministri i Brendshëm turk, Efgan Ala. “Të dyshuarit janë dy qytetarë shqiptarë dhe një kosovar”, deklaroi Ala, i cituar nga agjencia zyrtare turke e lajmeve, Anadolli Azhans. Ministri nuk konfirmoi njoftimet e tjera të medias nëse tre të arrestuarit bënin pjesë apo jo në grupet rebele xhihadiste që operojnë në Siri. Shkëmbimi i zjarrit ndodhi në periferi të qytetit Ulukisla, kur të arrestuarit hapën zjarr kundër forcave turke të sigurisë që po bënin kontrolle rutinë në një autostradë. Dy nga të dyshuarit u arrestuan menjëherë, ndërkohë që i treti u arrestua më vonë. Dje, zëvendëskryeministri turk, Besir Atalay bëri një lidhje mes incidentit të ndodhur dje dhe konfliktit në Siri, por pa dhënë detaje.

HermesNews - ©2014

Dërgo me email | Stampo artikullin