21/03/2014 14:13:26

Risite e Kodit doganor

Rama: ''falë këtij Kodi, do kalohet nga një epokë ku biznesi është parë si burim të ardhurash të nxjerra me deomos, me hir e pa hir, në një epokë ku biznesi do trajtohet si partner strategjik''

TIRANE - Kryeminsitri Edi Rama, e cilësoi sot Kodin e Ri Doganor, si qasjen e re të shtetit ndaj sipërmarrjes dhe hap të shumëpritur nga eksportuesit dhe importuesit. Duke folur në ceremoninë që u zhvillua në Doganën e qytetit të Durrësit, ku u bë prezantimi i rregullatorit të ri të sistemit doganor, Rama tha se “falë këtij Kodi, do kalohet nga një epokë ku biznesi është parë si burim të ardhurash të nxjerra me deomos, me hir e pa hir, në një epokë ku biznesi do trajtohet si partner strategjik”. Sipas Ramës “ky dokument vjen si produkt i njëhsimit të Kodit të Ri të Bashkimit Europian me Kodin Doganor të Shqipërisë, çka do të sjellë një tansformim rrënjësor, por që kërkon një sërë masash dhe politikash të reja në mënyrë që të bëhet e mundur që nga 1 Janari i vitit të adhshëm, marrëdhënia e doganave me biznesin, të funskionojë mbi këtë kod. Shteti, duke qenë shërbëtor i sipërmarrjes, mundëson rritjen e të ardhurave falë cilësisë së shërbimit, rritjes së besimit dhe respektit të sipërmarrjes tek shteti dhe jo falë kërbaçit të gjobave, bllokimeve e korrupsionit”, tha Rama gjatë fjalës së tij në prezantimin e Kodit të Ri Doganor në Durrës.

HermesNews - ©2014

Dërgo me email | Stampo artikullin