21/03/2014 13:18:16

Vritet gazetari i AFPsë në Kabul

Gazetari Sardar Ahmad me bashkëshorten e tij dhe dy vajzat u vranë në një atentat mbrëmjen e djeshme nga një komando talebane

KABUL - Gazetari afgan, Sardar Ahmad korrespondenti kryesor i agjencisë franceze të lajmeve (AFP) në Kabul, me bashkëshorten e tij dhe dy vajzat u vranë në një atentat mbrëmjen e djeshme nga një komando talebane në hotel ”Serena” në Kabul. Të katër trupat u identifikuan mëngjesin e sotëm në Kabul nga një fotograf i AFP-së. Fëmija i tretë i çiftit, një djalë i vogël ka pësuar tronditje dhe duhet t’i nënshtrohet trajtimeve me urgjencë. Sardar Ahmad, 40 vjeç punonte për AFP-në prej vitit 2003. Ai u punësua fillimisht nga agjencia për të ndjekur dhe transmetuar zhvillimet e përditshme të koalicionit ushtarak drejtuar nga SHBA-ja në Afganistan, para se të bëhej një nga gazetarët e përhershëm të zyrës.

HermesNews - ©2014

Dërgo me email | Stampo artikullin