20/03/2014 17:52:32

Gati masterplani i gazifikimit

Burime të MIE-s pohojnë se puna pritet të nisë gjate ketij viti, me qëllim që gjatë vitit 2015, Shqipëria të ketë një masterplan të plotë

TIRANE - Ministria e Industrisë dhe Energjetikës ka aplikuar pranë Bashkimi Europian për një fond prej 1.1 milionë Usd për fillimin e studimit të masterplanit për gazifikimin e Shqipërisë.

Burime të MIE-s pohojnë se puna pritet të nisë gjate ketij viti, me qëllim që gjatë vitit 2015, Shqipëria të ketë një masterplan të plotë në mënyrë që investitorët privatë të aplikojnë planet e tyre mundësinë e gazifikimit.

Gjithashtu për TEC-in e Vlorës, që ende nuk ka nisur nga puna, po shikohet mundësia me Bankën Europiane për Rindërtim dhe Zhvillim (BERZH) për të siguruar një financim të nevojshëm për të kryer studimin e konvertimit të tij me gaz.

Të gjitha përpjekjet po bëhën në funksion të ndërtimit të TAP-it, që sjell gaz në Shqipëri, mundësi mjaft e mirë për një pjese të industrisë shqiptare si dhe për të diversifikuar prodhimin energjetik. Pas nënshkrimit të marrëveshjes paraprake me kompaninë SOCAR të Azerbajxhanit, pritet firmosja për asistencë për gazifikimin, thanë burimet e MIE-s.

HermesNews - ©2014

Dërgo me email | Stampo artikullin