20/03/2014 16:41:28

2208 kg marijuanë në një vit

Shkoder, tryezë për luftën kundër drogës

SHKODER - "52 % e bimëve narkotike të asgjësuara në shkallë vendi i përkasin qarkut Shkodër", tha sot drejtori i policisë së Shkodrës Drejtues Shaban Nexhi, gjatë tryezës së përbashkët ku merrnin pjesë dhe drejtues të pushtetit lokal në Shkodër, dhe ku u fol për luftën kundër lëndëve narkotike.

Për vitin 2014, është e domosdoshme që lufta kundër këtij fenomeni të jetë e mirë organizuar, duke realizuar një bashkëpunim të ngushtë dhe efikas me të gjitha strukturat e administratës shtetërore.

Në 2013-tën janë evidentuar 54 raste të kultivimit të bimëve narkotike nga të cilat janë zbuluar 17 raste me 19 autor nga të cilët 15 arrestuar, 2 në gjendje të lirë dhe 2 të shpallur në kërkim.

Janë asgjësuar 51250 rrënjë bimë narkotike. Krahasuar shifrat me 1 vit më parë konstatohet se kemi më shumë raste të konstatuara 48 raste dhe asgjësuar 49832 rrënjë bimë narkotike më shumë.

Janë organizuar gjithsejt 284 operacione në funksion të krehjes së teritorit nga të cilat 91 operacione policore për asgjësimin e bimëve narkotike “kanabis sativa”,

Në këto operacione janë angazhuar gjithsejt 510 forca.

Antidroga në bashkëpunim me strukturat e tjera të policisë ka sekuestruar rreth 2208 kg e 106.8 gram mariuane, 9 kg e 219 gr heroinë si dhe 10 gr fare kanabis sativa.

Uniformat blu kanë planifikuar monitorim i vazhdueshëm i gjithe territorit nga ajri dhe nga toka.

Përqendrimi i punës së Policise së Shtetit, në zonat e indentifikuara si problematike, pa nënvlerësuar asnjë pjesë të territorit.

"Duke konsideruar luftën kundër krimit të organizuar si prioriteti më i rëndësishëm për Policinë e Shtetit, në emër të gjitha struktuarve te Drejtorise se Policise Qarkut Shkodër, shpreh anagazhimin maksimal për zbatimin e detyrave që na janë ngarkuar në realizimin e objektivave që kemi përcaktuar, në strategjinë e luftës kundër krimit të organizuar dhe te Plan Veprimit Anti Canabiss 2014", tha Drejtues Nexhi. //HermesNews - ©2014//

Edison Myrteza

Dërgo me email | Stampo artikullin