19/03/2014 15:49:43

Shtylla e pare e mireqenies

Zëvëndësministrja e Arsimit dhe Sportit tha se “sistemi i arsimi është shtylla e parë , pasi ajo është shkaku për të tejçuar pasojën, është shtylla e parë dhe më e rëndësishme e nje përspektive e cila nuk mund të jetë e shkurtër por afatgjatë

TIRANE - “Të vendoset një sistem parashkollor i qartë për të realizuar pasojën e varfërisë dhe shkakun e mirëqënies sociale”, tha sot Zëvëndësministrja e Arsimit dhe Sportit, Nora Malaj, e pranishme në Forumin “ Zhvillimi sfidues i varfërisë “ e organizuar nga Akademia e Shkencave. Në fjalën e saj, Malaj vlerësoi iniciativën e Akademisë së Shkencave, ndërsa theksoi se “është e e rëndësishme që të shohim shkaqet për të diskutuar, cilat janë rekomandimet që duhen bërë dhe cilat janë shancet shumë të nevojshmë që kemi për ta bërë së bashku , për të përcaktuar disa detyra për zhvillimin strategjik dhe për planet konkrete të qeverisë”. Zëvëndësministrja e Arsimit dhe Sportit tha se “sistemi i arsimi është shtylla e parë , pasi ajo është shkaku për të tejçuar pasojën, është shtylla e parë dhe më e rëndësishme e nje përspektive e cila nuk mund të jetë e shkurtër por afatgjatë. Impaktin, arsimi nuk e jep për 4 vite as për 5 vite, por 25 vjet të plotë pasi aq i duhet një individi për të realizuar një cikël të plotë të studimeve të tij në mënyrë që të bëhet pjese e tregut të punës”.

HermesNews - ©2014

Dërgo me email | Stampo artikullin