19/03/2014 15:43:33

Zgjidhet logoja fituese

Logoja mishëron në thelbin e saj frymën e kandidaturës në Këshillin e të Drejtave të Njeriut

TIRANË - Ministria e Punëve të Jashtme bën të ditur se në mbyllje të konkursit për dizajnin e logos përfaqësuese të kandidaturës së Shqipërisë në Këshillin e të Drejtave të Njeriut 2015-2017, komisioni i ngritur për vlerësimin e propozimeve të ardhura, ka vendosur përzgjedhjen e propozimit nga MacCann Tirana si logon fituese. Logoja mishëron në thelbin e saj frymën e kandidaturës në Këshillin e të Drejtave të Njeriut. Në zemër të saj është forma e shqiponjës në flamurin shqiptar dhe simbolika e ngjyrave të tij, krijuar nga silueta njerëzore. Pozicioni dhe dinamika e tyre sugjeron dhe aspiratën shqiptare drejt standardeve më të larta në fushën e të drejtave të njeriut. Logoja mbart nj stil rinor, bashkëkohor dhe dinamik. Ministria e Punëve të Jashtme, falënderon të gjithë pjesëmarrësit në këtë konkurs të hapur për propozimet dhe interesin e shprehur, çka flet edhe për interesin e lartë të shoqërisë shqiptare për të Drejtat e Njeriut në vendin tonë.

HermesNews - ©2014

Dërgo me email | Stampo artikullin