18/03/2014 08:13:05

Një platformë e re nga Huffington Post për tablet dhe smartphone

Huffington Post ka vendosur të hedhë në treg një platformë të re dixhitale për tablet dhe smartphone në bashkëpunim me kompaninë italiane D-Share

HermesNews - Huffington Post kujdeset si askush tjetër për sistemin e tyre editorial, i cili njihet tashmë në të gjithë botën si një nga platformat informative online më të përhapura e më të lexuara në mbarë botën. Dhe mesa duket është pikërisht platforma elektronike e cila u lejon atyre të ngjiten gjithnjë e më lart në shkallën e suksesit.

Së fundmi, Huffington Post ka vendosur të hedhë në treg një platformë të re dixhitale për tablet dhe smartphone në bashkëpunim me kompaninë italiane D-Share.

Sistemi D-Share do të përdoret për krijimin e një alikacioni për tablet dhe smartphone që të përmbledhë çdo javë më të mirat nga lajmet e postuara në Huffington Magazine, e cila është e disponueshme vetëm në tregun amerikan deri më tani.

Sipas informacioneve të lëshuara nga burimet e Huffington Post, u zgjodh pikërisht kompania italiane D-Share për këtë bashkëpunim sepse sistemi që do të krijohet do të lejojë krijimin e një aplikacioni më të lehtë dhe më të shpejtë për t’u përdorur nga lexuesit në një larmi më të gjerë pajisjesh elektronike të tendencave të fundit.

Daniela Vathi

Dërgo me email | Stampo artikullin