16/03/2014 09:42:52

Zuckerberg: NASA përgjon Facebook-un

Zuckerberg akuzon shtetin amerikan për mos respektimin e privatësisë në rrjetin social Facebook

WASHINGTON - Themeluesi e rrjetit social Facebook, Mark Zuckerberg, shpreh zhgënjimin e tij kundrejt Obamës dhe Shteteve të Bashkuara për mos respektimin e privatësisë në Facebook.

“Mendonim se duhej të ruheshim nga kriminelët, ndërkohë kërcënimi vjen nga vetë shteti”- ka komentuar Zuckerberg.

Përgjimet e Nasa-s në Facebook janë të dëshmuara tashmë prej vitesh siç ndodhi në rastin e të dhënave mbi Edward Snowden nga gazeta The intercept.

Sipas specialistëve, për të kontrolluar miliona kompjuter, Nasa përdor Facebook për t’u infiltruar falë sistemit Turbine, një software që u lejon shërbimeve sekrete amerikane të kenë nën kontroll të dhënat e çdo sistemi elektronik.

Ndërkohë që të gjithë mendojnë se janë të sigurtë përsa i përket privatësisë në Facebook, në realitet janë nën kontrollin e “007” amerikane. E gjithë kjo vazhdon që nga viti 2010 me strategji të ndryshme për t’u infiltruar në kompjuterat që mendohet se u shërbejnë shërbimeve sekrete amerikane (Nasa- National Security Agency Usa).

Duke nisur nga viti i shkuar Facebook ka montuar një sistem të ri për mbrojtjen e privatësisë, por mesa duket nuk u ka shpëtuar as kjo e fundit përgjuesve amerikanë.

Daniela Vathi

Dërgo me email | Stampo artikullin