14/03/2014 10:18:43

Avioni i zhdukur, vijojnë kërkimet

Zona e kërkimit do të zgjerohet drejt Oqeanit Indian

KUALA LUMPUR - Kërkimet për aeroplanin “Malaysia Airlines” janë orientuar sot në Oqeanin Indian pas informacioneve të reja dhënë nga Shtëpia e Bardhë sugjerojnë se avioni ka vijuar fluturimin për disa orë pas zhdukjes nga ekranet e radarëve gjashtë ditë më parë. “Në bazë të informacioneve të reja, jo domosdoshmërisht përfundimtare, zona e kërkimit do të zgjerohet drejt Oqeanit Indian”, deklaroi zëdhënësi i Shtëpisë së Bardhë, Jay Carney. Disa media amerikane, cituar nga zyrtarë të lartë, njoftojnë se Boeing 777 ka vijuar transmetimin e sinjalit automatik për disa orë pasi u zhduk nga radarët. Sistemet e transmetimit janë përpjekur vazhdimisht për t’u lidhur me një ose më shumë satelitë. Marina amerikane dërgoi një anije dhe një avion në këtë zonë, bëri të ditur një zyrtar i Marinës amerikane pa dashur të identifikohet.

HermesNews - ©2014

Dërgo me email | Stampo artikullin