12/03/2014 11:14:53

Spanjë, pemë në nderim të viktimave të atentateve në Spanjë

Qindra persona ishin mbledhur në një ceremoni përkujtimore në ''Pyllin e kujtesës'', ku janë mbjellë 191 pemë në kujtim të viktimave

MADRID - Spanja kujtoi atentatet e 11 marsit, 10 vjet pas shpërthimit të 10 bombave në katër trena të periferisë së Madridit që kanë shkaktuar 191 të vdekur. Qindra persona ishin mbledhur për këtë ceremoni përkujtimore në "Pyllin e kujtesës", ku janë mbjellë 191 pemë në kujtim të viktimave. Katër vajza të reja lexuan emrat e 191 viktimave dhe më tej lëshuan në ajër tullumbacë të bardhë. Në katedralen e Almudenës, 1000 persona, viktima, skuadra shpëtimi, zjarrfikës apo policë, kanë marrë pjesë në meshën përkujtimore ku ishin të pranishëm edhe mbreti Huan Carlos, mbretëresha Sofia dhe kryeministrit, Mariano Rajoy. Trenat e mbushur me eksploziv që vinin nga stacioni i Alkala de Henares, në periferinë lindore të Madridit, kanë shpërthyer më 11 mars 2004 në stacionet Santa Eugenia, El Pozo, në hyrje të stacionit të Atokas dhe një tjetër brenda në stacion, duke shkaktuar një tronditje të jashtëzakonshme në të gjithë vendin. Dhjetë vjet më vonë, spanjollët e rijetojnë këtë ditë me emocion. Mes tyre, qindra viktima, pasi atentatet shkaktuan rreth 1 900 të plagosur, ose dëshmitarë janë ende të traumatizuar. Qeveria konservatore e Hose Maria Aznar bënte përgjegjëse ETA-n, sulmi ishte marrë përsipër po në mbrëmjen e 11 marsit 2004 nga një grup i lëvizjes Al-Kaida.

HermesNews - ©2014

Dërgo me email | Stampo artikullin