12/03/2014 10:46:41

Tokio kërkon ''të qetësojë'' Rusinë

Ministri i jashtëm japonez flet me homologun rus. Kishida i kërkoi bashkëbiseduesit të tij që të hapë dialog të drejtpërdrejtë me autoritetet e përkohshme ukrainase

TOKIO - Ministri japonez i Punëve të Jashtme, Fumio Kishida, i kërkoi sot homologut të tij rus, Sergei Lavrov, që të fillojë një dialog të drejtpërdrejtë me Kievin, por ky i fundit e ka refuzuar këtë propozim. "Gjatë një bisede telefonike që zgjati rreth një orë, Kishida i kërkoi bashkëbiseduesit të tij që të hapë një dialog të drejtpërdrejtë me autoritetet e përkohshme ukrainase për të zgjidhur krizën që ka të bëjë me Krimenë, por pa prekur integritetin territorial dhe sovranitetin e Ukrainës", njoftoi kancelaria japoneze. Por Lavrov në të kundërt shpjegoi se "pozicioni aktual i Rusisë e largon mundësinë për një dialog të drejtpërdrejtë me Kievin, pasi Moska nuk e njeh si legjitime qeverinë e përkohshme ukrainase".

HermesNews - ©2014

Dërgo me email | Stampo artikullin