11/03/2014 18:21:49

Fasoni: gati paketa e re fiskale

ryeministri Edi Rama ka zgjedhur dy biznese fason në Krujë për t’i adresuar të gjithë sipërmarrësve të fasonit se paketa fiskale me 42 pika që pasqyrojnë kërkesat e këtij biznesi është gati dhe shumë shpejt do kalojë për miratim

TIRANE - 1500 vetë do të punësohen në zonën e qarkun e Durrësit, dhe përkatësisht në qytetin e Krujës dhe rrethina në tre muajt e ardhshëm. Industria fason ka kërkesa të vazhdueshme nga tregu europian dhe është ende në zgjerim dhe në zhvillim.

Kryeministri Edi Rama ka zgjedhur dy biznese fason në Krujë për t’i adresuar të gjithë sipërmarrësve të fasonit se paketa fiskale me 42 pika që pasqyrojnë kërkesat e këtij biznesi është gati dhe shumë shpejt do kalojë për miratim. "Po përgatisim një paketë të plotë për industrinë fason...kërkesa edhe nga vende që duan të shtrihen. Paketë masash për të bërë të mundur", tha Rama.

Kryeministri është njohur me faktin se aktualisht në sipërmarrjen e prodhimit të këpucëve cikli ishte i mbyllur, por një tjetër projekt ishte gati në përfundim. Një projekt që sipërmarrësi tha se i duhen vetëm 3 muaj kohë për ta përfunduar në të cilin punësohen 1000 gra dhe vajza.

Një tjetër objekt në ndërtim në Krujë ishte po një sipërmarrje fason.Kryeministri në bisedë me sipërmarrësin ka shprehur vullnetin e qeverisë për të mbështetur këtë industri që sjell punësim në shifra të konsiderueshme

Kryeministri në vizitën e tij në Krujë shoqërohej nga ministri zhvillimit ekonomik, tregtisë dhe sipërmarrjes Arben Ahmetaj.

HermesNews - ©2014

Dërgo me email | Stampo artikullin