11/03/2014 12:07:28

Fillon pagesa e borxheve ndaj biznesit

Ahmetaj, ''...do të ndërtojmë një plaformë bashkëpunimi me dhomat e biznesit''

TIRANE - Ministri i Zhvillimit Ekonomik, Tregtisë dhe Sipërmarrjes, Arben Ahmetaj, deklaroi sot se “ka filluar pagesa e borxheve të qëverisë ndaj biznesit”.

Gjatë një tryeze të rrumbullakët me Kryetarët e Dhomave të Tregtisë dhe Industrisë së 12 qarqeve të vendit, ministri Ahmetaj shprehu bindjen se “ju ndjeni ndryshimin thelbësor në klimën e biznesit. Ne do të ndërtojmë një plaformë bashkëpunimi me dhomat e biznesit”.

Duke iu drejtuar kryetarëve të Dhomave të Tregtisë dhe Industrisë së 12 qarqeve të vendit, Ahmetaj tha se “duhet të jeni më të konsoliduar në kërkesat tuaja drejtuar qeverise . Projektligji për faljen e gjobave elektorale është mësim për të gjitha qeveritë që nuk mund të luajnë politikisht me biznesin”.

Ministri Ahmetaj tha gjithashtu se lajmi i mirë për ekonominë shqiptare është se konsumi ka filluar të rrritet.

HermesNews - ©2014

Dërgo me email | Stampo artikullin