09/03/2014 12:46:59

Facebook kundër shitjes së armëve të paligjshme online

Facebook ka vendosur të mos u lejojë më njerëzve të publikojnë oferta armësh apo produktesh të tjera që janë kundër ligjit

NEW YORK - Facebook ka vendosur të mos u lejojë më njerëzve të publikojnë oferta armësh apo produktesh të tjera që janë kundër ligjit. Qëllimi i Facebook-ut është t’u japë mundësinë njerëzve të mbahen në kontakt dhe të komunikojnë mes tyre. Ndaj duhet mbajtur një ekuilibër mes dhënies së mundësisë së njerëzve për të qenë në kontakt dhe krijimit të një “atmosfere” të sigurtë dhe të respektueshme për të gjithë. Për shembull, përsa u përket shitjeve të armëve, shitësit privat nuk do të mund të deklarojnë se për shitjen e armëve nuk nevojiten të dhënat personale të blerësit dhe për më tepër nuk do të kenë më mundësinë të tregtojnë pistoleta nga njëri shtet në tjetrin pa pasur një liçensë të rregullt. Së shpejti Facebook do të bëjë një njoftim zyrtar rreth normativës së shitjes së armëve.

Daniela Vathi

Dërgo me email | Stampo artikullin