09/03/2014 11:07:28

Parashikimet dhe këshillat e Warren Buffet për bursën e SHBA

Orakulli i Omahas ka një kapacitet të pashoq për të parashikuar lëvizjet ekonomike

HermesNews - Këshillat ekonomike të miliarderit Warren Buffet janë jo pak të çmuara për të gjithë sipërmarrësit dhe kompanitë amerikane. Siç e quajnë tashmë, orakulli i Omahas ka një kapacitet të pashoq për të parashikuar lëvizjet ekonomike.

Nga fillimi i vitit, faktikisht, aksionet e Berkshire Hathaway, kompania e Buffet, kanë pësuar një rritje prej 29% duke u shkëmbyer së fundmi me 173.000$.

Buffet mendon se ekonomia amerikane mund të përmirësohet gjatë vitit 2014 dhe sipas tij Wall Street do të vazhdojë të kryesojë tregun, pa përjashtuar ndonjë blerje ambicioze. Gjithashtu ai u jep këshilla të çmuara të gjithë investitorëve të rinj duke nisur që nga rregulli bazë “injoroni thashethemet, mbani kosto minimale dhe investoni në aksione sikur të investonit në një fermë”.

Të gjitha parashikimet dhe këshillat e Warren Buffet janë të pasqyruara në letrën vjetore që shoqëron buxhetin ekonomik të kompanisë së tij Berkshire Hathaway.

Sipas Buffet nga 2007 gjer më sot Berkshire Hathaway ka pasur rritje dhe përfitime marramendëse dhe do të vazhdojë të ketë komenton miliarderi. Faktikisht të ardhurat e kompanisë gjatë vitit të fundit kane qenë rreth 182 miliard dollarë, që do të thotë më shumë sesa 180 miliardat që kishin parashikuar analistët.

Daniela Vathi

Dërgo me email | Stampo artikullin