07/03/2014 15:45:13

Rishikohen tekstet shkollore

Ministrja e arsimit në Greqi; takime me homologun grek

TIRANË - Ministrja e Arsimit dhe Sporteve, Lindita Nikolla, e shoqëruar edhe nga Ambasadori shqiptar në Athinë, Dashnor Dervishi, zhvilloi një takim në Athinë me homologun grek Kostandinos Arvanitopoulos.

"Përcaktuam piketat e bashkëpunimit të përbashkët të punës në një plan afatshkurtër dhe afatgjatë në nënshkrimin e marrëveshjes me ngritjen e grupit të përbashkët të ekspertëve për rishikimin e teksteve, po përtej këtyre, për mundësitë e përbashkëta të bashkëpunimit për ekspertizë profesionale edhe për gjithë reformën e arsimit të lartë dhe shkencës në Shqipëri.Ndamë vlerësimin e sinqertë për gjithçka që Shqipëria dhe Greqia bëjnë, posaçërisht Presidenca greke për integrimin europian të Shqipërisë", tha Nikolla.

Ministrja e Arsimit Nikolla, do të zhvillojë një takim edhe me mësuesit shqiptar në Athinë, të cilët kontribuojnë për mësimin e gjuhës shqipe për fëmijët shqiptarë që punojnë e jetojnë në Greqi.

HermesNews - ©2014

Dërgo me email | Stampo artikullin