06/03/2014 09:23:19

Risia e kodit të proçedurës penale

Palët mund të zgjidhin çështjen me marrëveshje në çdo fazë të proçedimit penal

TIRANË - Qeveria shqiptare, në kuadër të reformave të thella që ka ndërrmarrë për rritjen e efiçencës në gjykime dhe luftën kundër korrupsionit, me qëllim rritjen e efektivitetit në sistemit e drejtësisë, nga Ministria e Drejtësisë është ndërrmarrë nisma për rishikimin e ligjit nr.7905, datë 21.03.1995, “Kodi i Procedurës Penale”, i ndryshuar.

Rishikimi i Kodit të Procedurës Penale është bërë në përputhje me Kushtetutën, si dhe me qëllimin për të ndryshuar, hequr apo shtuar dispozita dhe për ta sjellë atë në përputhje me standardet e Bashkimit Europian dhe ato ndërkombëtare.

Drafti përmban dhe ndryshime të natyrës teknike, në drejtim të qartësimit të Kodit dhe përmirësimit të zbatueshmërisë së tij, si dhe “Marrëveshjet mes Prokurorit dhe të Pandehurit” , i cili parashikon rregulla për marrëveshjen e arritur ndërmjet palëve për pranimin e fajësisë dhe për dëshminë e të pandehurit.

Kështu, përveç zgjidhjes gjyqësore të çështjes u jepet mundësia palëve të zgjidhin çështjen me marrëveshje në çdo fazë të procedimit penal. Kjo është një risi pasi është një zgjidhje alternative e cila ndihmon në zvogëlimin e çështjeve penale.

HermesNews - ©2014

Dërgo me email | Stampo artikullin