06/03/2014 09:01:50

Një vend më shumë me Fylen

''Në takimin e zhvilluar në fund të tetorit, kam kërkuar në emër të opozitës shqiptare një përfaqësim në tryezen e dialogut të nivelit të lartë, në të njëjtin format dhe me të njejtat standarte që ka gëzuar opozita e djeshme''

TIRANË - Deputetja e Partisë Demokratike, Majlinda Bregu në një deklaratë për mediat, ka kërkuar që PD, të asistojë në takimin që do të zhvillohet të enjten në prani të Komisionerit Fyle, takimi i dytë i nivelit të lartë mes Bashkimit Europian dhe Shqipërisë.

Sipas saj, “në takimin e zhvilluar në fund të tetorit, kam kërkuar në emër të opozitës shqiptare një përfaqësim në tryezen e dialogut të nivelit të lartë, në të njëjtin format dhe me të njejtat standarte që ka gëzuar opozita e djeshme”

Gjithashtu Bregu shtoi se: “ja kam paraqitur zyrtarisht këtë kërkesë Kryeministrit të vendit, por përgjigja ka qënë refuzimi . Në këto kushte, ky dialog i nivelit te lartë, nuk është dialog i nivelit gjithpërfshirës”

I bëjmë thirrje maxhorancës të respektojë standartin e përfaqësimit në nivel kryetarë e nënkryetarë komisionesh parlamentare dhe ftoj Kryeministrin e vendit t’i bashkohet kërkeses tonë për një Dialog të Nivelit të Lartë, publik e me praninë e medias”, tha Bregu.

HermesNews - ©2014

Dërgo me email | Stampo artikullin